You are here

അമേരിക്കയില്‍ 1.6 കോടി കുട്ടികള്‍ പട്ടിണിയില്‍

ലോസ് ആഞ്ചലസ്: വികസിതരാജ‍്യമാണെങ്കിലും അമേരിക്കയില്‍ 1.6 കോടി കുട്ടികള്‍ പട്ടിണിക്കാരാണെന്നു മോഡലും നടിയും ഗായികയുമായ സ്കാര്‍ലെറ്റ് ജൊഹാന്‍സണ്‍. പട്ടിണിക്കെതിരായ ബോധവല്‍ക്കരണത്തിന്റെ ഭാഗമായി അനുഭവങ്ങള്‍ വിശദമാക്കുകയായിരുന്നു അവര്‍.

അടുത്ത ഭക്ഷണം എപ്പോള്‍ ലഭിക്കുമെന്ന ഉറപ്പുപോലുമില്ലാതെയാണ് രാജ‍്യത്തിന്റെ ഭാവി പൗരന്മാര്‍ വളരുന്നത്. ഈ സ്ഥിതിക്കെതിരെ ഒറ്റക്കെട്ടായി പോരാടണമെന്നും അവര്‍ പറഞ്ഞു. കുട്ടിക്കാലത്ത് താനും പൊതുസമൂഹത്തില്‍ നിന്നു ലഭിച്ച സഹായംകൊണ്ടാണു വിശപ്പകറ്റിയിരുന്നതെന്ന് അവര്‍ ഓര്‍മിപ്പിച്ചു.

''അമേരിക്കയിലെ അഞ്ചില്‍ ഒരുകുഞ്ഞ് പട്ടിണിയോടു പോരാടിയാണു വളരുന്നത്. രാജ‍്യത്ത് ലക്ഷക്കണക്കിനു രൂപയുടെ ഭക്ഷണം പാഴാക്കപ്പെടുമ്പോഴാണ് ഈ സ്ഥിതി. ഇതിനെതിരെ ശക്തമായ ബോധവല്‍ക്കരണം വേണം'' ജൊഹാന്‍സണ്‍ പറഞ്ഞു. സഹതാരം ജെര്‍മി റെണ്ണറും പട്ടിണിക്കെതിരായ പോരാട്ടത്തിനു ജൊഹാന്‍സനു പിന്‍തുണയുമായി രംഗത്തുണ്ട്.

Web Editor and Administrator : Sam Kondazhy Graphic Designer : Saji Naduvathra

©2014 GoodNews Weekly. All Rights Reserved